Það er ekki í mínum verkahring!

Fyrsta sjónvarpsviðtalið sem ég tók á ævinni var við Robben Ford.  Minn uppáhalds gítarleikara, reyndar ásamt mörgum öðrum.  Ég tók viðtalið eftir masterklass sem hann hélt í FÍH fyrir ekki svo marga.  Ég er búin að vera í Félagi Íslenskra Hljóðfæraleikara í tugi ára og ég furðaði mig á því að við sem værum í félaginu hefðum ekki haft veður af þessum masterklass.  Ég spurði einn af forkólfum félagsins hvernig stæði á því að félagsmenn hefðu ekki vitað af þessu.  Svarið var mjög einfalt og hefur setið í mér.  Ég passa mig á að hafa aldrei þetta viðhorf.

Svarið var "Það er ekki í mínum verkahring".  

Þegar þú ert ráðin við að spila í brúðkaupi þá er það í þinum verkahring að láta allt vera fullkomið.  Ekki bara tónlistarfluttninginn.  Þú lagar dúkinn sem er krummpaður við hliðina á sviðinu, þú réttir af blómvöndinn sem datt á hliðina.  

Það er í okkar verkahring að láta allt vera fullkomið.  Sama hvað við erum að gera.